25 Sept 2013

今日，話想約佢今晚去食飯點知佢講要執屋所以唔得閒。心情頗為低落。想同佢傾計但係有怕煩到佢，結果仲系死猛refresh佢嘅FB wall希望知道佢做跟啲乜。

特別嘅人

18 Sept 2013:
好多時候親戚朋友問我有冇拍拖,我都會心想:"我噤嘅肥仔邊度會搵到女朋友啦";但係其實我心底里真嘅好想搵到個適合對象拍拖結婚.

就今日終於讓我遇到一個我真正覺得佢幾唔錯嘅女仔,雖然從未見過面但同佢用FB傾計時發覺佢都幾成熟當然也有少少脾氣. 佢前幾日介紹我睇"親愛的 我愛上別人了"過後有同佢傾到啲劇情嘅睇法我發覺我深深俾佢吸引著.

當佢講想食冰皮月餅,我腦海第一樣閃過就系"雙英齋冰皮"我就講要送佢月餅,當然我知道雙英齋已經冇咩貨,所以我就去搵其他冰皮,然後好好彩就俾我搵到從香港入口嘅冰皮月餅,二話不說就買咗準備送俾佢.

19 Sept 2013:
今日我做咗啲世界白痴男都用來追女仔嘅嘢,雖然尋日買咗美心月餅但係始終都想送佢雙英齋,結果我晨噤早就揸車去茨廠街點知未開,結果等到8點幾就走咗去返工.然後我就問佢邊度交俾佢,起初佢說有嘢做時真嘅覺得有啲失落,然後當然我講我冇嘢做可以隨時候命,到我臨放工佢sms我話7.30pm-8pm shah alam giant 見,我就飛車兼將冷氣開到盡(保持冰皮月餅系凍嘅)冷到手都震.

去到見到佢第一印象系:
哇你究竟幾耐冇好好休息 -黑眼圈,魚尾紋很深, 當然冇講出口,因為再仔細睇其實只要好好休息,keep fit 少少可以講系靚女一個.當然其實我想陪佢買嘢但係就覺得好突然結果就同佢講我要走咗.到我去拿車時其實都幾後悔.

今日超塞車,我返屋企塞咗個半鐘,但係也俾我更多同佢whatapps嘅時間.

21 Sept 2013:
今日系company local trip好慘,電話冇線唔可以同佢傾計,整天囖囖戀行山時想起佢,食嘢又想起去,所以就一直搵有線嘅地方,終於俾我搵到條橋系有線嘅,我當然開心到心笑出來,但係點知佢同我講其實佢心情唔係噤好,我嘅情緒系既傷心又擔心.

23 Sept 2013:
尋晚我居然發夢見到佢,個夢好怪,我殺咗人一個唔識嘅人, 我一直叫佢走一面叉著個男人嘅頸知道個男人斷氣,然後我搵到佢,佢嘅樣好似好驚,我同佢講對唔住.

我唔知究竟系唔係我捻太多.

24 Sept 2013:
今日超低落因為睇到佢嘅wall post:
叽喳的人真的对我來說造成很困扰耶心想會唔會系我太過煩，就打聽一下，結果得到嘅結論系：
finger also stop , continue your working

我捻都係默默關注佢會比較好啲。掛住佢唔敢打擾佢結果就開咗個blog 來宣洩我對佢嘅思念。